Inayat Nawrızbaev

Tuwılǵan sánesi	10-sentyabr 1918(1918-09-10)
Qaytıs bolǵan sánesi	29-aprel 1999(1999-04-29) (80 jasta)

Tuwılǵan sánesi	10-sentyabr 1918(1918-09-10)
Qaytıs bolǵan sánesi	29-aprel 1999(1999-04-29) (80 jasta)

Inayat Nawrızbaev - Ekinshi jer júzilik urıs qatnasıwshısı.

Biografiya

1918-jıldıń 18-sentyabrinde Tórtkúl rayonında tuwılǵan. Inayat Nawrızbaev 1941-jılı urısqa birinshiler qatarında shaqırılıp, Watanımızdı fashist basqınshılarınan qorǵaw maqsetinde sawash maydanına qaray atlanadı.

Urıstaǵı erlikleri

Voronej frontınıń 52-armiyası, 254-atqıshlar diviziyasınıń 933-polkında pulemyotshı bolıp xızmet etken ol óziniń er júrekligi hám batırlıǵı menen óz joldaslarına hár tárepleme úlgi boldı. Atap aytqanda, ol 1943-jıl 2-oktyabr kúni Ukrainanıń Dnepr dáryasın birinshiler qatarında keship ótip, dushpanlarǵa qarsı ayawsız sawash alıp bardı hám óz diviziyasınıń alǵa qaray ilgerilewine imkaniyat jarattı. Ásirese, 1943-jıldıń 17-oktyabr kúni túnde Kreshatik awılı ushın júrgizilgen sawashta dushpannıń qural-jaraq saqlanatuǵın qoymaxanasın joq etip, awılǵa bastırıp kirip, onı fashistlerden tolıq tazalawǵa erisedi.

Atın mángilestiriw

Inayat Nawrızbaevtıń Dnepr dáryasın keship ótiwdegi erligi Armiya komandirleri tárepinen ılayıqlı bahalanıp, SSSR Joqarǵı Keńesi Prezidiumınıń 1944-jıl 22-fevraldaǵı Pármanı menen oǵan «Altın juldız» medalı hám Sovetler Awqamınıń Qaharmanı ataǵı beriledi. 1945-jılı oficerler bilimin jetilistiriw kursın tabıslı tamamlaǵan Inayat Nawrızbaev óz awılına qaytıp kelip, Ellikqala rayonı aymaǵında jasap, 1999-jıldıń 29-apreli kúni qaytıs boladı.

Dárekler

1. Karinform.uz